Коѕиас: Кој и да притиска за Македонија нема да попуштиме од црвените линии
Објавено во: Балкан 07 Мај, 2017
Без оглед на било каков меѓународен притисок за брз влез на Македонија во НАТО, Грција не планира да ги напушти своите црвени линии, ниту пак ќе одговори на можен притисок за компоромис за името.
Министерот за надворешни работи Никос Коѕиас на во интервју за грчкиот весник „Риал њуз“ посочи дека Грција ја поддржува стабилноста во Македонија, но нема да прави отстапки.
- Не знам кој кого сака да притисне, сите знаат дека не потпаѓаме под притисоци и дека не отстапуваме од она што сметаме дека е правилно за интересите на нашиот народ и за европските вредности и принципи, истакна Коѕиас.
За политичката криза во Македонија, Коѕиас вели дека Грција е загрижена поради недостатокот на култура за компромис внстре во државата. Потенцира дека сакаат во Македонија да функционира демократијата и правната држава, како и дека Грција претставува столб на стабилноста во регионот и се обидува да ја поддржи стабилноста во Македонија.
Коѕиа исто така ги коментира и стравовите дека се зголемил апетитот за „Голема Албанија“.
- Границите на Европа се конeчни и оној кој ќе се обиде да си поигра со нив ќе се соочи со големи и сериозни последици, смета Коѕиас.