Koго Ердоган нарече убиец на деца?
Објавено во: Балкан 10 Декември, 2017
Турскиот претседател Реџеп Таип Ердоган ја нарече денеска Израел „терористичка држава“ која „убива деца“.
Ердоган вели дека „со сите средства“ ќе се бори против американското признавање на Ерусалим како престолнина на еврејската држава.
„Палестина е невина жртва. Што се однесува до Израел, тој е терористичка држава, да, терористичка!“- рече Ердоган во гневниот говор во Сивас во централна Турција.
Ваквата реакција на Ердоган следи по неодамнешното признавање на американскиот претседател, Доналд Трамп на Ерусалим за престолнина на Израел, што Анкара остро го осуди.
Ердоган кој досега неколку пати Ерусалим го нарече „црвена линија за муслиманите“, остро ја критикуваше одлуката американската амбасада да се префрли во Израел да се префрли од Тела Авив во Ерусалим, истакнувајќи дека таа за Анкара е неважечка.
Турција и Израел лани ги нормализираа своите односи, по дипломатската криза која во 2010 ја предизвика израелски воздушен напад врз брод на невладина организација на пат кон Газа при што загинаа десет турски активисти.
Во Ерусалим веќе четири дена има немири.