Кои европски земји се најзагрозени од напади?
Објавено во: Свет 19 Јануари, 2017
По терористичките напади во последните години некои земји веќе не се толку добра дестинација за летен одмор.
Со идилични места Шпанија, Франција, Португалија, Италија и Грција Европа нудат безброј можности за совршен летен одмор, пишува британскиот весник. Daily Express.
Поради последните терористички напади на континентот сепак британските туристи се повеќе се прашуваат кои места се безбедни.
Неодамнешна студија открива дека има голем пад на резервациите лани за одморалишта околу проблематичните региони како Медитеранот, а се повеќе луѓе се свртуваат кон Југоисточна Азија и Карибите. Според британското МНР сепак има бројни места во Европа, каде што недостасува терористичка закана.
Франција одамна е популарна и топла летна дестинација за Британците, во најмала рака бидејќи е во близина.
По бранот катастрофални терористички напади во 2015 и 2016 година, земјата е со висок степен на закана, а француската влада дури пушти бесплатна мобилна апликација наречена SAIP за да ги алармира корисниците за можни инциденти.
Британците се предупредени и за одмор во Турција, која исто така е со висок степен на опасност.
Белгија, Германија и Русија исто така се дефинирани како места со високо ниво на опасност.
Иако Шпанија продолжува да се бори со степенот на закана, земјата сепак веќе не е во групата на најзагрозените земји.
Други популарни летни точки со овој степен на закана се Грција и Италија.
Во последните години имаше неколку напади во грчки трговски центри и институции, а во Италија има изолирани случаи на локален тероризам.
Други популарни земји за одмор во оваа група ги вклучуваат Холандија, Данска, Шведска и Австрија.
Според британското министерство во некои летни дестинации, како Монако, Хрватска, Португалија и Бугарија има потенцијален степен на закана. Тоа значи ниско ниво на одредена терористичка активност.
Меѓу земјите со најниска стапка на закана се Малта, Сан Марино, Унгарија и Швајцарија, што ги прави совршени европски дестинации за летните одмори.