Кои се оценките за глобалниот раст и што би го успорило?
Објавено во: Економија 18 Март, 2017
Извршниот директор на Меѓународниот монетарен фонд (ММФ) Кристин Лагард изјави денеска дека глобалниот економски раст зајакнува.
Сепак, според неа, има една „погрешна политика“ која би можела да го прекине забрзувањето, пренесоа агенциите.
Во завршното коминике од средбата на министрите за финансии и централните банкари во Г-20 во германскиот град Баден-Баден Лагард го утврди форумот на водечките светски економии како исклучително важна платформа за големите економии.
„Се сретнавме во момент кога растот стекнува на интензитет во светот и има сигнали дека глобалната економија достигна пресвртна точка, иако неизвесноста не е отпадната. Глобалната соработка и водењето правилна политика може да помогне да се постигне силен, траен, избалансиран и инклузивен раст, додека една погрешна политика може да ја запре инерцијата“ - рече Лагард.
Таа не застана на неуспехот на главните финансиери од Г-20 да постигнат договор за поддршка на слободната трговија, објави Ројтерс.
Извршниот директор на ММФ, сепак, истакна дека силната политика на даночни и структурни економски реформи е клучна за идната насока на развивање на глобалната економија.