Кој ги распродаде акциите во Комерцијална банка?
Објавено во: Финансии 27 Ноември, 2017
Според сознанија до кои стигна редакцијата на Фактор, зад последниот истргуван блок на акции на Комерцијална банка преку Македонска берза стои Европската банка за обнова и развој. Поточно ЕБОР донел одлука да го продаде својот пакет на обични акции со право на глас кои на денешната блок трансакција на Македонска берза достигна вредност од речиси 4,4 милиони евра.
Просечната вредност на една акција изнесува 2300 денари што е во принцип и приближно индентично на вредноста на акциите на Комерцијална банка Скопје во изминатиот период.
Истргувани се акции кои претставуваа над 5% од вкупниот удел во основниот капитал на друштвото. Со тоа повеќе ЕБОР нема никаков удел во акции во ниту една македонска банка. Засега не е познато кој е новиот сопственик на овој пакет на акции на Комерцијална банка.