Добивај вести на Viber
Канада повторно се отвара за доселениците. Канадските власти почнаа со прифаќање на барањата од образованите странски државјани со цел да се пополнат работните места во одредени делови од Канада.
Министерот за имиграција Џејсон Кени изјави дека новата програма вклучува сериозна бројка на нови имигранти во земјата поради големата потреба за работници посебно во северните региони на земјата, со што треба да се помогне економскиот раст на Канада.
„Овие долгорочни промени се дел од планот на владата за изградба на брз и флексибилен систем за имиграција што ќе ги задоволи потребите на канадската економија", рече Кени.
Според оваа програма, Канада ќе прифати до 3.000 странски барања за 43 дефицитарни професии, вклучувајќи и електричарите и механичари. За да влезат во програмата, странците мора да имаат понуда за работа во Канада или соодветно образование признаено од Канада, со што државата ќе се осигура дека доселеникот ќе добие работа веднаш штом ќе пристигне во земјата.
Странците исто така задолжително мора да знаат еден од двата официјални јазици во Канада - француски или англиски јазик.