22 Ноември, 2017
0.4467
    ALK 7231.17    -1.62%     BESK 10300    0%     GRNT 808.46    0.93%     KJUBI 1400    0%     KMB 2697.06    -0.11%     MPT 26306.88    -2.2%     OKTA 2530    -8.1%     RMDEN14 92.2    -2.95%     RZLV 45    0%     RZTK 450    1.81%     RZUS 106    -3.64%     SBT 1987    -9.86%     TNB 13500    0%     TPLF 1605.19    -0.11%     TTK 803.72    -1.5%     ZPKO 2601    0.04%

Кој сектор ќе добие најмногу, а кој најмалку со новиот буџет?

Објавено во: Анализа 09 Ноември, 2017

Министерството за финансии го подготвува предлог буџетот за 2018 година кој по јавната дебата ќе се најде пред собраниските комисии и ќе чека парламентарно одобрување. Според досега прикажаното Министерството за финансии планира раст како на приходите така и на расходите, покривање на буџетскиот дефицит од домашни и странски поволни извори на кредитирање но, не и зголемување на дефицитот во однос на БДП кој од 2,7% во 2017 догодина ќе биде спуштен на 2,5%. 

Што се однесува на буџетските расходи речиси и да нема поголеми изненадување, имаме уште еден масовен буџет кој претежно е креиран за исплата на плати, пензии, социјални трансфери, субвенции и државни трошења. Според првичниот предлог раст на расходите ќе има во одбраната за повисоки плати од 10% за војниците, поголеми трошења поради исполнување на НАТО стандардите, како и раст на платите од 5% за наставниците во образованието. 

Гледано процентуално 32% од расходите на идниот буџет се планирани за плати и социјална заштита, 19% се предвидени за економски развој и финансиски работи, во здравството кое има огромни проблеми ќе се потрошат 14% од буџетот и во образованието за актуелните и новопредвидените програми 11%. Во сите останати области во кои државата има свој удел расходите од вкупниот буџет се под 10% со тоа што за регионален развој се издвоени само 1% од вкупните средства.

Во продолжение погледнете ги и ставките од расходната страна на буџетот со поконкретни планирани бројки, како и планираните проекти.

Тековни расходи – Плати и стоки и услуги 

Расходите за плати се проектирани на 27,1 милијарди денари – раст од 460 милиони денари, т.е. 1,7% • 10 % повисоки плати за сите припадници на армискиот состав од јануари 2018 година (приближување кон НАТО стандарди) 

• Расходите за стоки и услуги на 17,2 милијарди денари – пониски за 420 милиони денари, т.е. 2,4% • Редовно подмирување на обврските на буџетските корисници 

• Обезбедени средства за финансирање на здравствените програми 

• Зголемени материјални трошоци во Министерство за одбрана (НАТО стандарди), но и намалување на останатите „стоки и услуги„ за 650 милиони денари, во линија со определбата за рестриктивна буџетска потрошувачка во делот на помалку продуктивните расходи.

Тековни расходи - Трансфери 

• Трансферите се планирани на ниво од 134 милијарди денари, (раст од 6,6 милијарди денари, т.е. 5,2%):

 • Пензиите изнесуваат 54 милијарди денари или 2,1 милијарда повеќе во однос на 2017 – со редовно законско усогласување 

• Активни политики за вработување се планирани во износ од 988 милиони денари, повисоки за 100 милиони денари 

• Надоместок за невработеност од 950 милиони денари - раст од 184 милиони денари за решавање на проблемот на стечајни работници 

• Субвенции и трансфери од 17,3 милијарди денари 

• Поддршка на домашни претпријатија од 1,1 милијарда денари – и продолжување на поддршката на странските компании со 970 милиони денари државна помош (Вкупно 2 милијарди денари) 

• Обезбедени средства за радиодифузна такса, минимална плата, итн. 

• Субвенциите во земјоделие заедно со рурален развој (дел од “капитални расходи”) изнесуваат 8,4 милијарди денари 10 Тековни расходи - Трансфери 

• За здравствена заштита планирани се 28,2 милијарди денари, т.е. 1,1 милијарди денари повеќе - Обезбедени се средства за 5% покачување на платите за вработените во ЈЗУ од септемвриската плата во 2018 година, како и за редовно финансирање на здравствените услуги 

• Трансфери до ЕЛС планирани се на 17,9 милијарди денари, т.е. дополнителни 893 милиони денари во однос на 2017 (5,2%) 

• Во овие рамки, се обезбедува финансиско зајакнување на општините за делегираните надлежности во образованието, културата и заштитата на деца и стари лица 

• Истовремено, обезбедени средства за зголемување на платите за вработените во основно и средно образование и детските градинки за 5% почнувајќи од септемвриската плата во 2018 година 

• Нови вработувања во детските градинки со цел подобрување на грижата на децата.

Автор: Христијан Станоевиќ

Можеби ќе ве интересира

Заев ги игра сите соседи, дали крешендото е решавање на спорот со Грција?

Заев ги игра сите соседи, дали крешендото е решавање на спорот со Грција?

Ќе влезе ли Јовевски во пакет со новите министри во Собрание?

Ќе влезе ли Јовевски во пакет со новите министри во Собрание?

Супер што Владата обезбеди инкубатори, но зошто киксна со самофалбите?

Супер што Владата обезбеди инкубатори, но зошто киксна со самофалбите?