Колкава добивка прокнижи ТЕТЕКС АД во 2016 година?

Добивај вести на Viber

ТЕТЕКС АД во периодот јануари-декември 2016 година има добивка по оданочување од 62.421 илјади денари. 

Остваренитe оперативни приходи во 2016 година бележат зголемување во однос на 2015 година за 30%. Тоа се должи на зголемување на приходите  од продажба, зголемување на капитализираното сопствено производство, како и на останатите оперативни приходи, во кои  вклучени приходите од продажба на недвижност- сопственост на ТЕТЕКС АД.

Влијание на финансискиот резултат во 2016 година имаа приходите од вложувања во износ од 21.884 илјади, кои произлегуваат од  вложувањата на ТЕТЕКС АД во  ТТК банка АД Скопје, Петролгас ДОО –Тетово ;Македонија турист и Алкалоид Скопје.

Оперативните расходи на компанијата изнесуваат 320.484 илјади денари.

Трошоците за суровини и материјали се зголемени  за 13%, а трошоците за услуги се намалени за 10%. Намалување има и кај трошоците за вработени и тоа за 5%.

Вредносното  усогласување на  побарувања постари од 3 години во 2016 година е 12.051 илјади,  а пак вредносното усогласување на некурентни залихи изнесува 10.048 илјади денари.

Во 2016 година е исплатена дивиденда во вкупен износ од  41.417 илјади што претставува 100,00 денари  бруто дивиденда по акција.

Лани кредитното  задолжување е нула, што значи финансирањето на  целокупното работење е од сопствени средства.

Во билансот на состојба позначајно отстапување се јавува кај позициите вложувања во недвижности и залихи. Тоа се должи на евидентирањето на недвижностите наменети  за продажба, кои во претходниот период беа класифицирани како вложувања во недвижности, а во тековниот период се во евидентирани во тековни средства.

ТЕТЕКС АД во постоечките услови на работење перманентно ги испитува трошоците на работење и настојува да го подобри  квалитетот на продукцијата, за да ги задоволи очекувањата на  купувачите, акционерите, вработените и добавувачите.