Koлкава снежна покривка можеме да очекуваме следните денови?
Објавено во: Македонија 26 Ноември, 2017
Утре Македонија ќе бидеме под влијание на студен и влажен бран од северозапад, така што времето ќе биде облачно студено и ветовито со врнежи од дожд. На повисоките места и на планините ќе врне снег.
Попладне постепено врнежите се очекува насекаде да поминат во снег и на повеќе места ќе се формира снежна покривка. Пообилни врнежи ќе има во источните и североисточните делови каде локално можно е да наврнат над 10 см снег.
Во вторник времето ќе биде студено и ветровито, а претпладне на истокот ќе има услови за повремен слаб снег. Во среда ќе има преодна стабилизација, а во четврток се очекува нов влажен бран.
На Балканот веќе има снежни врнежи во БиХ и Хрватска, а утре ќе вее и во Србија.