Колку чини синдикалната кошничка?
Објавено во: Економија 19 Октомври, 2017
Синдикалната кошница во август чинела 32.316 денари.
Граѓаните најмногу пари трошат за храна и сметки, а најмалку за здравјето и за посета на културни настани.
За храна и комуналии граѓаните од семејниот буџет трошеле 23.871 денар, покажуваат податоците за вредноста на синдикалната минимална кошница што ги објавува Сојузот на синдикати на Македонија.
За храна во август се одвојувале 13.422 денари, за комунални трошоци 8.253 денари, а за опрема за куќа и одржување 2,197 денари.
Според синдикалната кошница, одржувањето на личната хигиена во август чинело 980 денари, а одржувањето на хигиената во домот се трошеле 1.244 денари. За превоз, месечно граѓаните трошеле 2.340 денари, а за облека и обувки 2.129 денари.
Најмалку пари од семејниот буџет се одвојуваат за одржување на здравјето, односно околу 680 денари, како и за посета на културни манифестации, околу 1.070 денари.
За споредба, за преживување на четричлено семејство во октомври месец во 2014 година му биле потребни 32 085 денари (522 евра).
Во септември 2016 година таа чинела 32.000 денари.