Колку должиме на банките? Граѓаните се задолжуваат со галоп, а фирмите одвај со кас!
Објавено во: Финансии 25 Јануари, 2017
Кредитната изложеноста на граѓаните кон банките за
една година пораснала за 130 милиони евра и достигнала 1,93 милијарди евра на
крајот на септември 2016 година. Од поечток на 2014 година до крај на септември
2016 година Македонците се задолжиле за 447 милиони евра!
Кредитната изложеност на македонските граѓани на
крајот на септември лани изнесувала 119,32 милијарди денари односно (1,93
милијарди евра) и во споредба со истиот период во 2015 година е поголема за
8,02 милијарди денари (130 милиони евра) што е раст од 7 отсто,
покажуваат официјалните податоци од билансот на останати депозитини институции
објавен деновиве на интернет страницата.
Динамиката на раст на кредитите на граѓанскиот сектор во првите девет месеци
лани особено бележи раст од вториот кон третиот квартал. Имено во периодот од
крајот на јуни до крајот на септември македонските граѓани извадиле 2,145
милијарди денари нови кредитни задолжувања кон домашните банки. Тоа се нови
34,76 милиони евра за период од 90 дена. Со кои нивото на задолженост на
граѓаните достигнува ниво од 119,32 милијарди денари. Во споредба со крајот на
2015 година задолжувањето на граѓаните се зголемило за 5,2 милијарди денари.
Лудило! За две години граѓаните се задолжиле за 20 милијарди денари!!!
Официјалната статистика на централната банка покажува
податоци од кои секој економист ќе се замисли! Задолжувањето на граѓаните кај
домашните банки во период од две години пораснало за над 20 милијарди денари
односно за 324 милиони евра!!! Дали се ова продуктивни задолжувања наменети за
вложувања? Или се задолжувања кои всушност го стимулираат трговскиот дефицит на
нашата земја преку стимулирање на приватната потрошувачка на стоки и услуги од
кои најголем дел се од увоз??? И како ова втрово ќе влијае врз нашата економија?
Прашање за економските експерти...
Да се вратиме на податоците: уште посилен впечаток остава податокот дека за
период од 2 години и 9 месеци македонските граѓаните се задолжиле за половина
милијарда евра поточно за 447 милиони евра!
Фирмите се задолжуваат каскајќи Наспроти ова домашните компании и малиот бизнис бележат тренд на задолжување но тој е значително со послаб интензитет во однос на „фуријата“ на граѓанскиот сектор. Податоците покажуваат дека на крајот на септември лани нивото на кредитна изложеност на фирмите е 102,94 милијарди денари, а во споредба со крајот на 2015 година таа се намалила за нешто помалку од 5 милијарди денари. Задложувањето на фирмите во 2016 година, во првите три квартали, бележи контиунирано намалување, според податоците од централната банка. Во првиот квартал било 106,35 милијарди денари, во второт квартал е 103,3 милијарди денари, а во третиот квартал изнесува 102,94 милијарди денари.
Р.Ф.