Колку ќе платиме за камати од државниот буџет за оваа година?
Објавено во: Економија 28 Септември, 2017
Доволно е поразително тоа што ќе констатираме дека годинава во јавни и државни патишта и пруги ќе вложиме 80 милиони евра помалку од тоа што ќе го платиме за камати за државниот долг!
Официјалните податоци од популарната публикација „Граѓански буџет“ што годинава за прв пат ја објави актуелниот министер за финансии покажуваат дека за оваа година од централниот буџет за плаќање камати се издвоени 8,2 милијарди денари односно 132,9 милиони евра! Тоа е трошокот што државата ќе го плати за сите досегашни позајмици со кои финансирала тековни трошоци, капитални инвестиции и секакви други задолжувања кои во оваа година дошле или ќе дојдат на наплата.
Простата математика покажува дека просечно месечно државата за камати враќа 11,075 милиони евра и тоа значи дека до крајот на овој месец за таа намена ќе бидат платени над 100 милиони евра. А до крајот на годинава ќе бидат исплатени уште триесетина милиони евра..
Од достапните јавни податоци оваа ставка е една од девете најголеми тековни расходи на буџетот. Таа е на осмото место малку помала од ставката за социјални трансфери и надоместоци која изнесува 9,8 милијарди денари.
Катастрофа! За камати плаќаме повеќе од што плаќаме за секој од капиталните расходи
Поразителен факт достапен во популарниот граѓански буџет е тоа што секоја од ставките за капитални расходи (кои значат инвестиции во подобрување на стандарот на граѓаните) е помала од ставката за камати. Тоа значи дека за камати годинава од државниот буџет плаќаме повеќе одошто ќе инвестираме во секоја од инвестициите во јавно добро односно јавен интерес како патишта, пруги, болници, училишта и така натаму.
Податоците покажуваат дека годинава најмногу пари од буџетот се или ќе бидат платени за изградба на водоводни и канализациски мрежи, за пречистителни станици и за гасоводна мрежа и тоа е износ од 7,1 милијарди денари односно нешто помалку од 120 милиони евра. Во патна и железничка инфраструктура годинава се вложуваат 3,5 милијарди денари или нешто помалку од 60 милиони евра. За земјоделство и рурален развој се наменети 2,7 милијарди денари, а за образование, детска заштита и спорт се наменети 2,2 милијарди денари.
Целата публикација „Граѓански буџет“ може да ја најдете на следниот линк http://www.finance.gov.mk/files/Gragjanki%20Budjet.pdf
Можеби ќе ве интересира
„НИКОЈ НЕ МИ ВЕРУВАШЕ ДЕКА ВО РЕСТОРАНОТ МОЖАТ ДА СЕДАТ И СЕМЕЈНО ДА РУЧААТ ЛУЃЕ ОД ПОВЕЌЕ НАЦИОНАЛНОСТИ“ - Дабевски за искуството со „Кораб Трница“ за „Бизнис муабети“
КОИ СЕ ШПЕДИТЕРИТЕ КОИ ТРИЈАТ РАЦЕ, А ЌЕ СЕ ОФАЈДАТ ОД ЧОКОЛАДИ - еве како „Европа“ ќе ја распредели својата ланска добивка
ММФ: Maкедонија годинава ќе има економски раст од 2,7 отсто
ВРАБОТЕНИТЕ ВО ПОШТИ СЕ ЗАКАНИЈА СО ШТРАЈК: Доведени се во прашање повеќе од 2.000 работни места
ПРЕКУВРЕМЕНА РАБОТА ВО ГЕРМАНИЈА - како се плаќа и оданочува, и колку прекувремени часови смеете да имате
Economic Watch: Германскиот добавувач на автомобилски делови со доверба продолжува со инвестициите во Кина
„КОГА ИЗЛЕГОВ ОД ‚ЗДРАВЈЕ РАДОВО' ИМАВ ВО ЏЕБ ДВА ДО ТРИ МИЛИОНИ ЕВРА“ - бизнисменот Јован Дабевски ексклузивно за „Бизнис муабети“ на Фактор
