Колку ќе загуби Британија, ако мигрантите не работат само еден ден?
Објавено во: Свет 21 Февруари, 2017
Економијата на Велика Британија ќе загуби 328 милиони фунти, ако мигрантите престанат да работат еден ден. Ова го покажуваат податоците од истражувањето на Фондацијата „Нова економија“.
Според истражувањето на здравствените услуги и други сектори од економијата нема да функционираат ако сите мигранти кои работат - а кои претставуваат 10,9% од работната сила во земјата - ја запрат работата за ден. Исто така, станува јасно дека БДП на Велика Британија ќе се намали за 4% како резултат на таквото прекинување на работниот процес.
Мигрантите претставуваат 31% од вработените во домаќинството и одржување на чистотата; 30% во прехранбената индустрија и 26 отсто од вработените во здравството.
Иднината како земја ни зависи од економскиот, културниот и општествениот придонес на мигрантите, забележуваат од фондацијата.
Истражувањето е објавено покрај започнатата дебата во Домот на лордовите во врска со преговорите за Брегзит. Лордовите ќе разговараат за правата на три милиони граѓани на ЕУ на Островот.