Колона на Евзони за туристите, на македонска страна проодно
Објавено во: Македонија 19 Август, 2017
И овој викенд дел од граѓаните ќе го искористат за патување кон плажите на Егејското море кај јужниот сосед. Додека на македонска страна нема големи колони на преминот Богородица, од другата страна кај грчкиот премин Евзони се создаде колона со автомобили и има најави за мал застој на сообраќајот.
Инаку во рамки на Република Македонија нема поголеми проблеми на патиштата.
- Интензитетот на сообраќајот на патните правци надвор од градските средини е умерен. На граничните премини нема поголеми задржувања за влез и за излез од државата. Оваа информација се однесува само за македонската страна на премините, информира АМСМ.