Комити малтретирани од грчката тајна полиција во Лерин
Објавено во: Македонија 24 Јули, 2017
Навивачката група на Вардар „Комити“ преку страната vardarfans.mk објави дека нивни членови биле приведени и малтретирани од страна на грчката тајна полиција која нашла нивно знаме што било доволна причина да ги обвинат дека „ширеле македонизам“.
- Како и во пиринскиот дел на Македонија, така бевме и во егејскиот дел помеѓу нашите роднини, пријатели, браќа и сестри на овогодинешниот собир на македонците од тој крај.
Со преубави песни и ора започна настанот но за жал му се фрли црна дамка. Наши членови беа присутни но по постојано следење од тајната полиција на Грција, беа уапсени. Однесени во полициска станица во Лерин по неколкучасовно омаловажување и малтретирање полицијата го пронашла знамето КОМИТИ.
Целиот настан подоцна следи со плукање и фрлање на пасошите бидејки сакаа да дознаат кој не пратил.
Нас никој не нè прати, нас не повика страданието на нашите кај егејот. Сабајлето се пуштени од станица и испратени со придружба до граница а знамето задржано како доказ за ширење македонштина.
Дечките се здрави и живи. Ќе страдаме ама не се предаваме, стои во објавата на „Комитите“.