КОНКУРЕНЦИЈА НА Фејсбук и Епл: Амазон прави своја чет апликација?
Објавено во: Стил 18 Јули, 2017
Епл, Фејсбук и Гугл се само некои од фирмите кои работат на аплкации за размена на пораки. Изгледа дека наскоро ќе им се придружи и Амазон, а како што пишува Engadget нивниот сервис би требало да се вика Anytime.
Оваа апликација би требало да ги има сите опции, како и останатите на пазарот со тоа што наводно групниот чет би требало да биде поедноставен како и логирањето.
Нема да зависи од телефонски броеви како WhatsApp, па ќе биде доволно да знаете нечие име и да го додадете во разговор со помош на знакот @, слично како на Твитер.
Ќе биде можно споделување на фотографии, заедничко слушање музика и порачување храна.
Засега не е познато дали и кога Anytime ќе го види светлото на денот.
Компанијата на Џеф Безос веќе се занимава со комуникации, нивниот паметен звучник Ехо поддржува гласовни повици и видео конференции.