КОШМАР ЗА СЕКОЈ МЕНАЏЕР: Ова е причината поради која најдобриот работник си дава отказ

Добивај вести на Viber

Вработен што го сакате, што е исклучителен во неговата или нејзината работа само што си поднел оставка, навидум од ведро небо. Кога ќе побарате одговор од вработениот за она што сте можеле да го направите за да го спречите или да го направите посреќен, тие немаат добар одговор. Нудат некаква форма на "не е до вас, до мене е", таа ужасна фраза за раскинување која луѓето ја користат за да го ублажат ударот, но сите приматели знаат дека е с***е.

Мајкл Лоп е автор на неколку книги за менаџмент и има надгледувано тимови од софтверски инженери. Лоп неодамна има напишано одлична статија на неговиот блог, Rands in Repose, која јасно кажува зошто тој надобар вработен (star employee) не сакал да остане.

Работникот го спуштил долу неговиот или нејзиниот "штит" и отишол на интервју на некое друго место, бидејќи, откако потсвесно си поставиле на самите себе сет на прашања во врска со нивната тековна работа, тие сфатиле дека можеби можат да бидат посреќни.

Според Лоп, неколку од тие размислувања се:

• Дали сум среќен со мојата работа?

• Дали ми се допаѓа мојот менаџер? Мојот тим?

• Дали овој проект на кој работам ме исполнува?

• Дали учам?

• Дали сум почитуван?

• Дали растам?

• Дали сметам дека сум соодветно компензиран?

• Дали оваа компанија/тим оди некаде?

• Дали верувам во визијата?

• Дали им верувам на лидерите?

И, доколку тој најдобар вработен го спушти неговиот или нејзиниот штит (како што Лоп го нарекува) и си даде оставка, вие како менаџер треба да сфатите дека сте зезнале, дури и ако вашиот вработен кој ја дава оставката го негира тоа.

"Кога прашувам, кога копам, обично наоѓам повреда на основни вредности која се вкопала, залепила и загноила", пишува Лоп. "Понекогаш тоа е повреда на големи вредности од пред неколку месеци. Понекогаш тоа е мала повреда која се случила во најлошото можно време. Во секој случај, вашите очекувања за вашата компанија и вашата работа не биле исполнети и кога ќе се соочите со можност на друго место, се ангажирате."

Тогаш како да задржите добар вработен од потрага по тоа да види дали тревата е позелена на друго место?

Лоп нема јасен одговор. Но, тој нагласува дека постојана комуникација со вработените е клучен фактор. Исто така, продолжете да им давате на вашите вработени нови, возбудливи предизвици за справување за да не се досадуваат. Но, најважно од се, менаџерите треба да препознаат дека се што прават и секоја одлука што ја носат ултимативно може да стане причината поради која најдобриот работник ќе одбере да остане или да си оди.