Косово ja плаши Србија со конфликти поради апсењето на Харадинај

Добивај вести на Viber

Косово ја обвини Србија дека провоцира „тензија и конфликти“ на Балканот поради апсењето на поранешниот косовски премиер Рамуш Харадинај во Франција по нејзино барање .

„Владата е загрижена од ова апсење и судската постапка“, изјавил на владина седница премиерот Иса Мустафа.

Мотивацијата на Белград е „политичка и непријателска“, рекол Мустафа, додавајќи дека апсењето е „целосно незаконски и неправично“ и може да доведе „до предизвикување тензии и конфликти и да го уништи процесот на евроинтеграција на регионот“.

Стотици ветерани од војната во Косово протестираа денеска пред француската амбасада против апсењето на Харадинај. Тие носеа транспаренти со натписи: „Харадинај е Косово“, „Барајте ги криминалците во Србија“. 

Два пати осудуваниот и оправдуван, Харадинај беше уапсен во средата на аеродромот во Франција со европска потерница издадена од Србија во 2004 година. 

Таа го обвинува за воени злосторства за време на конфликтот 1998-99 година.

Харадинај беше премиер во периодот 2004-2005 година, а сега ја предводи опозициската партија. Тој се спротивставува на нормализирање на односите Косово-Србија, што сепак е поддржано од неговиот соработник од косовската војна Хашим Тачи, кој сега е претседател на Косово.