КРАЈ НА СЕНЗАЦИОНАЛИЗМОТ И ЛАЖНИТЕ ВЕСТИ: Фејсбук ќе им дава приоритет на „доверливите“ медиуми
Објавено во: Финансии 20 Јануари, 2018
Фејсбук ќе започне да им дава предност на „доверливите“, односно веродостојни информации од медиуми на почетната страница во рамките на борбата против „сензационално и погрешно информирање“, пишува извршниот директор на компанијата, Марк Закерберг во свој пост на Фејсбук.
Социјалната мрежа има над 2 милијарди корисници и ќе ги интервјуира за да утврди кои медиуми заслужуваат доверба.
Од следната недела почетната страна на Фејсбук ќе им даде приоритет на „висококвалитетните вести“ над извори, кои уживаат пониска доверба.
„Социјалните медиуми им овозможуваат на луѓето да ги шират информациите побрзо од кога и да било досега и ако не се фатиме со проблеми како сензационализмот, лажни информации и поларизацијата, ние само ќе ги засилиме“, пишува Закерберг во свој пост на Фејсбук.
„Веќе ќе ги прашуваме нашите корисници дали познаваат даден извор на објавување на вести и дали му веруваат. Некои медиуми се сметаат за веродостојни само од своите читатели или гледачи, додека други уживаат поголем степен на довербата на јавноста, дури и од луѓе, кои не ги следат директно“, вели Закерберг.
Во зависност од одговорите на корисниците публикации од медиуми кои се сметаат за доверливи, ќе се повидливи во почетните страници на Фејсбук.
Пред помалку од 10 дена Фејсбук ја објави официјално огромната промена која претстои при начинот на кој социјалната мрежа ја покажува содржината на своите корисници. Експериментот кој веќе неколку месеци се прави во Словачка, Шри Ланка, Србија, Боливија, Гватемала и Камбоџа - во News Feed да се дава предност на содржини од семејството и пријателите пред медиумските и другите публикации, ќе стане факт за сите земји во светот и сите 2 милијарди корисници.
Но токму таа промена му ги донесе првите загуби на милијардерот.
По информациите дека Фејсбук наскоро на глобално ниво ќе го промени начинот на прикажување вести и на сите во светот ќе им воведе раздвоен News и Explore Feed, акциите на таа компанија паднаа за повеќе од 4 отсто а Марк Закерберг изгуби над 3 милијарди долари.
Можеби ќе ве интересира
И „МАРТИНС“ ВО ПРОБЛЕМИ: Акциите на познатиот производител на обувки достигнаа историски минимум
ХРВАТИТЕ СЕ ПЛАШАТ ДЕКА НИВНАТА СЕЗОНА ЌЕ ПУКНЕ: Туристите веќе почнаа да ги избегнуваат во широк круг, еве зошто се толку огорчени!
ПАЃААТ И ЕВРОПСКИТЕ И АМЕРИКАНСКИТЕ БЕРЗАНСКИ ИНДЕКСИ: Цената на нафтата над 90 долари за барел, цената на златото падна
КОГА НА ДРЖАВАТА Ѝ ТРЕБААТ ПАРИ, ДОМАШНИТЕ БАНКАРИ ТРИЈАТ РАЦЕ - ново задолжување од 50 милиони евра, еве колкави се каматните стапки
ПРЕКУ ОТВОРЕН БАЛКАН СЕ БАРААТ СЕЗОНСКИ РАБОТНИЦИ И ЗА АЛБАНИЈА: Сезонава се очекуваат над 10 илјади туристи, а нема кој да работи
МОЖЕТЕ ДА ЖИВЕЕТЕ ВО ИТАЛИЈА, А ДА РАБОТИТЕ ВО МАКЕДОНИЈА ИЛИ БИЛО КАДЕ ВО СВЕТОТ: Еве кои услови треба да ги исполните и колку се чека за виза
ЕВЕ КОЛКУ ПАРИ ДАЛА „ЕР СРБИЈА“ ЗА ОТКАЖАНИ ЛЕТОВИ: Сумата е со повеќе нули
ОТВОРЕН БАЛКАН: Ова се петте најбарани позиции во Белград, еве што нудат работодавците и кои услови бараат да ги исполните
НОВ ПАД НА ПОПУЛАРНАТА КРИПТОВАЛУТА: Еве кои влади поседуваат најмногу биткоини, има ли на пазарите оптимизам?
