Кралот ги повика Шпанците да ја победат економската криза
Објавено во: Свет 25 Декември, 2012
Во евоето традиционално божиќно обраќање, шпанскиот крал Хуан Карлос (74) повика своите сонародници, да останат обединети во борбата против економската криза, еден месец откако на изборите во Каталонија победи сепаратистичка партија.
Кралот посочи дека Шпанија ја преживува една од најдлабоките кризи во својата модерна историја, чиј интензитет и истрајност никој не можеше да ги замисли, а граѓаните, посебо младите, се несигурни и обесхрабрени поради лошата финансиска состојба, невработеноста и неизвесната иднина.
Хуан Карлос истакна дека мерките за штедење и економскиот раст треба да бидат во согласност со жртвите кои денес се поднесуваат поради подобра иднина, како и дека главна мотивација за тоа треба да биде довербата и враќање на политиката што го обединува сите делови за здружување на силите.