КРЕДИТИ: Банките пливаат во пари – ама тешко ги даваат !
Објавено во: Финансии 10 Март, 2017
Ликвидноста на банките во земјава е
на високо ниво, пари има – но тие тешко се вбризгуваат во приватниот сектор,
односно на компаниите – оценуваат дел од економистите откако Народната банка
објави дека старото на 2017 година е во знак на вкупнен пад на кредитирањето.
“Ако ги погледнеме податоците ќе видиме дека банките буквално се “дават“ во ликвидност, имаа многу пари, но прашање е ако има толку голема ликвидност, и дополнително “цената“ на тие пари е многу ниска, зошто немаме позначаен раст на кредитирањето. Тука во прашање се две работи – едната отсуство од издржани инвестициски проекти на домашните компании и второ присутните ризици, поради што банкарите тешко се осмелуваат да го финансираат корпоративниот сектор кој праќа сигнали дека се бори со неликвидност“ – вели академик Абдулменаф Бџети.
Според податоците од НБМ, заклучно со јануари, вкупната кредитна изложенст изнесува 4 милијарди и 520 милиони евра и во однос на декември, 2016 година е регистриран пад за околу 72 милиони евра. Овој тренд е регистриран и во новиот февруарски извештај на Народната банка.
“Во однос на кредитната активност, првичните податоци заклучно со јануари покажуваат пад од 1,6% на месечна основа, што доаѓа по значителното зголемување во претходниот месец (од 2,9%). Намалувањето на вкупните кредити, слично како во претходните две години во првиот месец, во целост произлегува од пониското ниво на кредити на претпријатијата, при умерен раст на кредитирањето на населението“ – велат од НБМ.
Анализата покажаува дека намалување има и кај денарските и кај девизните кредити. Заклучно со првиот месец од годинава граѓаните во банките должеле 2,1 милијарда евра додека кредтната изложеност кон корпоративниот сектор изнесува 2,3 милијарди евра.
На стартот на 2017 година, НБМ регистрираше и пад на депозитите.
“Првичните декадни податоци за јануари 2017 година покажуваат месечен пад на вкупните депозити од 0,7%, наспроти месечниот забрзан раст во последниот квартал на 2016 година. Оваа динамика на движење на вкупните депозити, е вообичаена за почетокот на годината кога се забележува забавување на депозитниот раст или негово намалување“ – посочуваат од Народната банка од каде објаснуваат дека падот на вкупните депозити во јануари во целост произлегува од пониските депозити на претпријатијата, додека депозитите на домаќинствата оствариле умерен раст, којшто во континуитет продолжува од јуни 2016 година наваму.
Д.Д