Крива Паланка ќе се гасифицира преку ЈПП
Објавено во: Мои пари 31 Октомври, 2012
ЈПП ќе се реализира преку моделот изградба-финансирање-пренесување кое ќе биде завршено со пренесување на сопственоста на сите ново изградени објекти од приватниот на јавниот партнер по истекот на рокот за тоа партнерство.
Договорот за ЈПП ќе се додели преку отворен јавен повик, согласно одредбите на Законот на концесии и други видови на јавно приватно партнерство. Советот го овласти градоначалникот на општина Крива Паланка Арсенчо Алексовски да ја спроведе постапката за доделување на договор за ЈПП, преку формирање комисија за таа намена.