Кривичен одби да го замрзне имотот на осомничен во СЈО кој го оштетил буџетот за над 450 000 евра
Објавено во: Македонија 05 Јуни, 2017
Уште едно одбиено барање на СЈО за замрзнување на имот. Овој пат судијката Јелена Јосифовиќ одби да го замрзне имотот на помошник-министер за јавни набавки во МВР осомничен во предметот „Триста“ на СЈО.
Во случајот „Триста“ осомничен е помошник-министер од МВР за извршена јавна набавка за 300 возила за Министерството. Осомничениот во периодот од 2008 до 2012 година извршил набавка на 300 возила не почитувајќи ги законските прописи за јавна набавка, со што бил оштетен буџетот на државата за 453.570 евра.
Според Фетаи, не биле почитувани правилата за најповолна понуда, па понудите на „Порше“, „Кадис“, „Бохемија“, „Колевски“, „Авто куќа“ „Аутомобиле СК“ и „Аутомакедонија“, иако биле проценети како најповолни, не биле тоа.
Специјалното јавно обвинителство соопшти дека оваа одлука ќе биде обжалена.