Добивај вести на Viber
Друштвото Кроациа Осигурување, Друштво за осигурување на живот Скопје, на ден 10.01.2013 година заврши со продажбата на сопствените акции и изврши упис на промената во сопственичката структура.
Станува збор за 750 обични акции, чија вкупна вредност изнесува 78.750 евра. Приватната понуда е наменета за познат купувач и тоа за осигурителното друштво “Croatia Osiguranje d.d., Загреб, кој е постојан акционер и е институционален инвеститор, а целта за продажба на сопствените акции е заради исплата на дивиденда на мнозинскиот акционер.
Хартиите од вредност ќе бидат пријавени за упис во трговскиот регистар и во депозитарот на хартии од вредност. Правата од хартии од вредност настануваат по уписот на хартиите од вредност на сметка на сопственикот во депозитарот за хартии од вредност.
Со извршената промена акционерот Croatia Osiguranje d.d., Загреб поседува 95%, а Кроациа Осигурување АД – Друштво за осигурување на живот 5 % од вкупните акции.