Кругман: Биткоин-Маѓепсани, а не разбираат!

Добивај вести на Viber

Нобеловецот Пол Кругман рекол за Бизнис инсајдер дека биткоинот е поголем балон од оној со недвижнини кој пукнал во 2008 година.

Кругман вели дека цената на биткоинот е зголемена и поради фактот дека многумина не сфаќаат за што се работи, а луѓето се фатени во вртолог на новите технологии.

БИ го прашале Кругман дали толкавата цена на биткоинот има смисла:

„Не“, рекол тој.

„Биткоинот никој не го разбира. И тоа влијае позитивно на цената. Има тука малку мистерија, за многумина тоа е некоја технолошка работа која не ја разбираат до крај. Уште немало детални предавања за тоа како тој всушност може да се користи во економските трансакции и така да биде добар за сите. Знаете, за разлика од хартиите кои имаат фотографии со претседатели кои ги обележуваат, биткоинот не може да го поврзете со ништо“, вели Кругман.

Кругман вели дека неговиот бербер го прашал за биткоинот и дека тоа е еден од многуте примери кои го зголемуваат чувството дека луѓето се обземени од начинот со нешто што навистина не го разбираат.

Истакнува дека е очигледно дека биткоинот е огромен балон, и тоа поголем од што бил станбениот.

Кругман меѓутоа, не е сигурен колку оваа манија би можела да трае.