Кучињата скитници повторно напаѓаат
Објавено во: Македонија 17 Февруари, 2018
Два одделни случаи на каснување од куче скитник пријавиле вчера двајца скопјани. Двете пријави биле на различна локации во градот.
Во првиот случај А.Р. (42) од Скопје пријавила дека во 15:30 часот на улица „Лука Геров” нејзината мајка В.Р. (70) била касната од куче во пределот на десната подколеница.
Истиот ден, во 20 часот Р.В.(58) од Скопје, пријавил дека околу 16 часот додека со моторцикл се движел на булевар 12-та Македонска Бригада бил нападнат од куче скитник кое го каснало под коленото на десната нога.
Во главниот град е се почеста појавата на напад од кучиња скитници.
Просечно во Скопје секој ден се уловуваат од 120 до 170 кучиња скитници, а дел од нив повторно се враќаат на улица. Кучињата кои што и по две недели нема кој да ги вдоми, се враќаат на местото од каде што се уловени. Граѓаните се почесто апелираат и ги пријавуваат на дежурниот телефон бидејќи овие кучиња ја загрозувале нивната безбедност.