Куманово во 2013-та со буџет над милијарда денари

Добивај вести на Viber

Советот на општина Куманово го донесе предлог буџетот за 2013 година, кој изнесува милијарда и 690 милиони денари.

Буџетот е донесен согласно важечките законски прописи и содржи општ посебен и развоен дел. Посебниот дел ги содржи сите специфицирани потреби согласно програмите, општиот дел ги содржи вкупните приходи и расходи заедно со основниот буџет, буџет на дотациии и буџетот на самофинансирачки активности, додека развојниот дел ја содржи,развојната компоненета согласно програмата која беше усвоена на една од претходните седници.

- Наредната година ќе се продолжи со изградба на затворениот и отворениот градски базен, со изградба и реконструкција на улиците во општината, изградба на спортски терени и игралишта во училиштата, а воедно ќе се продолжи со гасификацијата, изјави Ирена Илиевска, раководителот на Секторот финансиски прашања.

Според надлежните во овој сектор, најголем дел од приходите се очекуваат од сопстевните приходи и надоместоци, што подразбира прибирање данок на имот, на наследство, подарок како и надоместокот за уредуавње на градежно земјиште и надоместок за уредување на бесправно изградените објекти, како и приход од дотација.