Латас: Очекувам брутално судење
Објавено во: Македонија 05 Декември, 2017
Очекувам брутално судење, изјави новинарот Драган Павловиќ Латас, откако денеска беше одложенo рочиштето во случајот „Тотал“ на Специјалното јавно обвинителство, каде тој се гони за даночно затајување.
Рочиштето е одложено за 7-ми декември затоа што не се определени правни застапници на две фирми, осомничени во постапката.
Одбраната на Латас бара „бомбите“ да не важат како доказ и за тоа да одлучува Апелацискиот суд. Новинарот кажа дека му се ускратени правата и дека судијката немала искуство во водење вакви случаи.
„Бараме за снимките да се жалиме и да одлучува Апелација. Јас верувам во судот, но не знам дали верувам во судијката во овој предмет. Очекувам брутално судење“ – рече Латас.
Тој се товари дека во периодот од 2008 до 2015 заедно со правни лица со намера да одбегнат плаќање даноци во завршните сметки и даночните пријави давале лажни податоци. Со тоа правните лица го оштетиле буџетот за 121.000 евра, а осомничениот за 63.000 евра.