24 Јануари, 2018
0.6358
    ALK 7707.16    0.11%     BESK 9518    -4.73%     FERS 56000    0%     GRNT 830    0%     KMB 3080.48    -1.77%     MPT 28856.12    -0.18%     PPIV 37500    0%     RMDEN13 96    0%     RMDEN16 94.5    0%     SBT 2080    2.97%     STBP 600    0%     STIL 149.79    -2.73%     TEL 284.57    0.55%     TIKV 153    0%     TTK 973.78    2.5%     UNI 1999.2    -0.04%     VITA 7562    7.08%

ЛАВИНА ПРЕДИЗБОРНИ ВЕТУВАЊА: Дали македонскиот гласач е политички зрел да препознае што е остварливо?

Објавено во: Македонија 13 Октомври, 2017

Во текот на кампањата гласачите се „бомбардирани“ со  ветувања од потенцијалните градски татковци.  Ветувањата се различни, од повеќе сфери, почнувајќи од животна средина, економија, па се до реализирање на капитални проекти за кои е неопходна поголема финансиска поддршка. Се ветува и отворање на нови работни места.

Кандидатите ветуваат грижа за младите, но има и такви  кои најавија дека ќе пружат помош и поддршка на постарите лица кои се принудени да живеат сами.  Се ветува ефикасно и транспарентно работење во интерес на граѓаните, но дали сите ветувања кои се содржани во програмите се во целост остварливи и реални?

„Делумно да, иако најголем дел од ветувањата се во рамки на она што ја засега локалната заедница како што се на пример подобрување на постоечката инфраструкура, пристап, улици, културно-спортски живот и слично. Сепак чуда, барем за мене лично ми делуваат оние ветувања како што се зголемување на субвенции, повиско плати, зголемување на вработеноста и слично. Што се однесува конкретно за вработеноста, лично сметам дека локалните власти имаат ограничена моќ да сторат нешто повеќе околу тоа.Сметам дека фер е кон гласачите да се дадат реални и остварливи ветувања. Сепак се работи за 2017 година кога македонскиот гласач е доволно политички зрел и совесен да расудува и оценува што е остварливо, а што не.Привлекувањето на странски и домашни инвестиции во најголем дел се концентрирани во централната власт. Се разбира локалната самоуправа може да помогне со лоцирање земјиште и делумно ослободување на некои давачки, но општините имаат премногу предизвици и проблеми од локален карактер како што се редовно и квалитетно водоснабдување, добра патна инфраструктура, јавен превоз, квалитет на воздух и слично, па така по изборот на одреден кандидат или кандидатка за градоначалник ова природно се наметнува како приоритет. Програмите за локален економски развој се исто така добра основа, но не сум сигурен дека некоја од општините може да се пофали со висок степен на исполетост тукму поради тоа што го наведов погоре“ – вели Златко Симоновски, истражувач и проектен координатор во Центарот за истражување и креирање политики.

Симоновски смета дека ќе треба многу напор, енергија и инвестиции за на крајот од следниот мандат оние кои сега трчаат за градоначалник да може да се пофалат дека исполниле сè. 

„За мене се спектакуларни ветувањата дека на пример Скопје за четири години ќе дише чист воздух, или пак дека ќе се изгради тролејбуска линија. Исто така треба да се наведе дека дел од ветувањата се во надлежност на централната власт, па претпоставувам дека има некое „тајно партнерство“ помеѓу  кандидатите и централната власт, како и опозициската ВМРО ДПМНЕ дел од работите да бидат завршени токму од Владата за на крај тоа да се препише како заслуга на градоначалникот. Сметам дека овие избори граѓаните многу малку беа вклучени во изработката на партиските програми за тоа што ќе се прави во иднина, а наместо тоа беа „активирани во полн погон“ партиските штабови, месни комитети. И тоа е добро, но сепак најдобрите идеи може да се чујат од мнозинството граѓани и оние кои немаат баш непосредно и постојано учество во партиските дејности“ – додава Симоновски.

Голем дел од кандидатите за градоначалници веќе управувале со општини, а сега се борат за втор или трет мандат.

На полноќ завршува кампањата за локалните избори, со што стапува на сила предизборниот молк,  а веќе в недела граѓаните ќе гласаат.

Сања Атанасовска

Можеби ќе ве интересира

Чешка ја порази Македонија, изгубивме шанса за пласман во полуфинале

Чешка ја порази Македонија, изгубивме шанса за пласман во полуфинале

До крајот на 2020 година ќе се воведе државна социјална пензија

До крајот на 2020 година ќе се воведе државна социјална пензија

СОНК најавува радикални мерки ако не се исплатат платите за декември

СОНК најавува радикални мерки ако не се исплатат платите за декември

Синодот на ГПЦ ќе се состанува вонредно за „Македонија“

Синодот на ГПЦ ќе се состанува вонредно за „Македонија“

Случаите Труст, Транспортер и Шпион на СЈО денеска одложени

Случаите Труст, Транспортер и Шпион на СЈО денеска одложени

ПРАВДА, „СЕ ПРАВДА“: Преговорите немаат врска, планиравме само „пеглање“ на техничките работи во Законот за референдум

ПРАВДА, „СЕ ПРАВДА“: Преговорите немаат врска, планиравме само „пеглање“ на техничките работи во Законот за референдум

Избегал од затвор и извршил 23 кражби во Беровско

Избегал од затвор и извршил 23 кражби во Беровско

КОЧАН УТРО ВО МАКЕДОНИЈА: Во три населени места измерени - 10 степени

КОЧАН УТРО ВО МАКЕДОНИЈА: Во три населени места измерени - 10 степени

РАМПА ЗА АЛБАНСКИОТ ЈАЗИК ОД ИВАНОВ: Образложение на 14 страници

РАМПА ЗА АЛБАНСКИОТ ЈАЗИК ОД ИВАНОВ: Образложение на 14 страници