ЛЕ ПЕН СЕ ПРЕМИСЛИ: Нема да има Фрегзит
Објавено во: Свет 22 Мај, 2017
Лидерката на екстремната десница Национален фронт во Франција, Марин Ле Пен, се откажува од идејата земјата да излезе од Европска унија.
Ова го изјави главниот економски стратег на партијата, Бернар Моно.
Ле Пен во петокот кажа дека нејзината партија почнала со разгледување на својот антиевропски став по завршувањето на парламентарни избори.
„Нема да има Фрегзит. Зедовме предвид тоа што ни го кажа францускиот народ“ - вели Моно за британскиот весник „Телеграф“.
Според него, еврото не е технички вредно, но дека нема смисла тврдоглаво да се инсистира.
По победата на Емануел Макрон над Ле Пен, имаше ставови на експерти и блиски на Ле Пен кои тврдеа дека изгубила баш поради идејата за излез од ЕУ.