Лекарска комора се разбуди - Се што било штетно ќе се ревидира
Објавено во: Македонија 25 Мај, 2017
Лекарската комора на Република Македонија откако ја избра новата претседателка , Калина Гривчева – Старделова, се „разбуди“ и најави целосна финансиска ревизија на работењето во изминатиот период, промени во електронскиот систем „Мој термин“ и зголемување на платите на медицинските работници.
Гривчева – Старделова најави финансиска ревизија на тоа што и како е сработено досега, за на нивните колеги од Собрание да им презентираат што се случувало досега, што ќе се случува од сега. Таа рече дека сè што има во архивата, она што им е оставено да го сработат, било да се работи за пријава од доктор, пријава од пациент, многу внимателно ќе го разгледаат во рамките на нивните ингеренции според актуелните закони.
Проектот „Мој термин“ кој беше ставен во преден план на досегашната власт како постер на успехот всушност треба да претрпи измени во насока на подобрување на давањето на здравствени услуги кон пациентите и на зачувувањето на достоинството на лекарите.
Новото раководство на Лекарската комора вети дека во првите шест месеци од своето работење ќе ги зголеми платите на лекарите во износ од две просечни плати за да се спречи заминувањето на младите лекари во странство.
Денеска новозбраните претставници на Комората рекоа дека старото раководство им оставило речиси празна каса.