29 Март, 2024
0.0244

ЛИБЕРАЛИЗАЦИЈА: Кога ќе бираме каде да точиме гориво?

Објавено во: Економија 14 Ноември, 2017

Добивај вести на Viber

Македонските возачи денеска на бензинските пумпи ќе ги дочекаат нови повисоки цени на горивата. Безоловниот бензин од 95 октани поскапува за 2,50 денари и во следните 14 дена ќе чини 66,50 денари за литар, а дизелот оди нагоре за 2 денари и ќе се продава за 54 денари. Иако, во земјава цената на горивото не се формира пазарно, туку неа ја одредува Регулаторната комисија за енергетика, сепак, сопствениците на бензинските пумпи можат да продаваат деривати по поевтини цени од погоре прикажаните и со тоа да бидат поконкурентни од ривалите.

Но, тоа, досега никогаш не се случило. Имено, Регулаторната комисија за енергетика одредува четири групи на цени за нафтените деривати, но, како по некој договор, бензинот и дизелот на сите македонски бензински пумписе продаваат по иста цена, односно, по највисоко определената малопродажна цена.

Со одлуката на регулаторот согласно методологијата за формирање на цените на претпријатијата што вршат промет на нафтени деривати им се дава можност да ги формираат цените за одделни нафтени деривати во однос на највисоките цени и тоа: за 0,5 денари за литар пониски (2 група на цени), за 1,00 ден/лит пониски (3 група на цени) и за 1,5 ден/лит пониски (4 група на цени). Ова значи дека на пумпаџиите може да продаваат литар безоловен „евро 95“ за 66 денари, 65,50 денари или за 65 денари, а дизелот може да чини 53,50 денари, 53 денари и 52,50 денари.

Извор: РКЕ

За да продава деривати по овие пониски малопродажни цени, а со тоа да биде поконкурентен од останатите, трговецот ќе треба да се откаже од дел од трговската маржа. Односно, планирано да работи со пониски цени, но негативниот ефект од тоа да го покрие со зголемена продажба. Но, како што веќе рековме, сите претпријатија кои вршат промет со нафтени деривати работат со максималните цени, па за македонските возачи, во поглед на цената, им е сеедно каде ќе наточат бензин.

Причините за ова треба да се бараат во структурата на малопродажната мрежа на нафтени деривати, во која, како што констатира Регулаторната комисија за енергетика, доминира едно претпријатие, а останатите се ситни играчи.

- Во Македонија тековно работат околу 285 бензински пумпни станици. И покрај фактот што денес значително е променета сопственичката структура во малопродажниот сектор, сепак Макпетрол АД Скопје е сè уште доминантно претпријатие во делот на малопродажбата со 126 бензински станици. Потоа следат Лукоил Македонија ДООЕЛ Скопје со 28 бензински станици, ОКТА Бренд со 28 бензински станици, додека преостанатите околу 103 бензински станици се во приватна сопственост на повеќе домашни мали претпријатија. Дел од претпријатијата кои поседуваат бензински станици, покрај основната дејност да продаваат горива на своите бензински станици, се јавуваат и како трговци на големо, односно дел од набавените течни горива не ги продаваат преку бензинските станици туку директно до крајните потрошувачи- се наведува во извештајот на Регулаторната комисија за енергетика за минатата година.

Оттука, може да се заклучи дека и покрај големиот број на мали приватни бензински станици, поради доминантната позиција на Макпетрол на пазарот за трговија на мало со нафтени деривати, во Македонија не може да профункционира и оваа полулиберализација на цените на нафтените деривати и возачите да имаат избор на која бензинска пумпа ќе точат гориво.

(М.Б.)


Можеби ќе ве интересира

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

ПЧЕНИЦАТА ПОЕВТИНИ: Цената на златото и нафтата скокнаа

ПЧЕНИЦАТА ПОЕВТИНИ: Цената на златото и нафтата скокнаа

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

Новите газди го вратија стариот сјај! Како „Скопски пазар“ ќе направи над 10 милиони евра приходи?

Новите газди го вратија стариот сјај! Како „Скопски пазар“ ќе направи над 10 милиони евра приходи?

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

Битиќи: Во 2025 работна недела од 7 часа дневно во одредени сектори

Битиќи: Во 2025 работна недела од 7 часа дневно во одредени сектори

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат