Обновено: Изгаснат пожарот во Главната пошта, штетите допрва ќе се утврдуваат
Објавено во: Мои пари 15 Јануари, 2013
По повеќе часовна борба со огнената стихија, пожарникарите успеаја да го изгаснат пожарот што избувна попладнево во 16.20 часот во дирекцијата на Македонски пошти во центарот на Скопје.
Според првичните информации опожарени се дел од фоајето и неколку катови од објектот. Поради гушење едно лице е пренесено во скопската клиниката за хирушки болести , а според информации од клиниката станува збор за маж на околу 35 години кој е во стабилна здравствена состојба. Инаку според првичните информации, пожарот избувнал во салата каде што се наоѓаат серверите на Македонски пошти. Како што изјави директорот на Македонски пошти Рафис Аљити, кој во моментот на избувнување на пожарот бил во зградата, вработените веднаш биле евакуирани,а една службеничка била евакуирана преку прозорецот од третиот кат со помош на скали.Очевидци тврдат дека пред избувнувањето на пожарот слушнале силна експлозија, а според првичните сознанија на полицијата пожарот најпрво избувнал на кровот од зградата.
Целиот простор околу Главната пошта беше блокиран за сообраќај, освен за противпожарните возила и возилата на Итната медицинска помош.
Материјалната штета допрва ќе се пресметува.