Мадрид ќе си бира нова покраинска влада во Каталонија
Објавено во: Свет 28 Октомври, 2017
Централните власти на Шпанија лоцирани во главниот град Мадрид донесоа одлука да и ја одземат автономијата на каталонската влада и на 21 декември закажаа нови предвремени избори за покраинска влада.
Владата на Рахој го смета за незаконски и неважечки неодамнешниот референдум за независност кој се одржа и посочи дека никој не може да им ја одзема одлуката на Каталанците како да продолжат да живеат во Шпанија каде и натаму се почитуваат Уставот и законите.
Министри од централната влада притоа ќе ги преземат сите одговорности и надлежности од каталонската администрација. Сепак, ваквиот чекор може да доведе до судири бидејќи лидерите во Барселона нема така лесно да се откажат од триумфално прогласената независност од Шпанија.
Исто така се отповикани или разрешени сите меѓународни претставници на Каталонија со одлука на премиерот Рахој. Се чека одговор и на власта на Пуџдемон како планира да продолжи да функционира Каталонија и како ќе ја прикаже својата независност кога ниту една европска земја не ја прифаќа и признава.