Македонец повреден во нападите во Барселона
Објавено во: Македонија 18 Август, 2017
Според информациите на МНР еден македонски државјанин се стекнал со повреди во текот на вчерашниот терористички напад во Барселона.
Македонски граѓанин, кој во моментот на нападот во Барселона бил во непосредна близина, се здобил со скршеница на зглобот на ногата. Тој не е во животна опасност и е третиран од страна на шпанските медицински служби, соопшти изутринава македонското Министерство за надворешни работи.
Претставник од македонската Aмбасада во текот на ноќта се упатил кон болницата каде што се наоѓа повредениот македонски државјанин.
МНР синоќа во соопштение упати на телефоните 00 34 620 126 308 - број на претставник на македонска амбасада во Шпанија и 00 34 932 142 124 - број од шпанските институции за информации за засегнати роднини/ пријатели.