Македонија ја нема меѓу иновативните економии - кој го држи првото место?
Објавено во: Економија 18 Јануари, 2017
Јужна Кореја има најинвентивна економија во светот.
Ова го покажува индексот на иновации на Bloomberg.
Се проценуваат економиите по метод на истражување и развојно трошење и концентрација на високотехнолошки компании.
Македонија ја нема на оваа листа.
Економијата на Јужна Кореја доби највисоки оценки во категоријата инвестирање во истражување и развој, со додадена вредност на производство и патентирање производи, како и рангирање во првите пет во категоријата на голема застапеност на напредна технологија и висока концентрација на високо образовани луѓе и истражувачи.
Зад неа е Шведска која го подобри производството, која пред Германија, Швајцарија и Финска се искачи за две места поради зголемениот број на напредно технолошки компании во државата. Норвешка е на 14. место, исто како и лани.
Најголемиот губитник оваа година според индексот на Bloomberg е Русија, која се најде на 26. место, паѓајќи цели четиринаесет. Поради санкциите и ефектите од неколку годишната намаленост на енергетските цени, добрите оцени кои Русија ги доби лани за производство и продуктивност, се изгубени годинава.
Во Јапонија падна од 4. до 7. место, поради губењето на нивните досегашни најдобри активности во патентирањето и поради јенот.
Хрватска падна за три места, од 38 на 41. место. Србија пак се искачи за едно место и сега е на 43 позиција, а Грција која се искачи за три места сега е на 30.место.
САД паднаа за едно место и сега се на 9, додека пак Израел се помести нагоре кон 10. место. Кина го задржа 21 место и ја оправда својата титула на најсилно рангиран пазар во подем.
Рангирањето започна со преку 200 економии, со тоа што оние кои не прикажале податоци барем за шест или седум категории кои се оценуваат, се елиминирани од листата, што ја намали листата на 78 рангирани.
Bloomberg детално ги објави вкупните оцени, како и оцените по категории за најдобрите 50 иновативни економии во светот.