21 Јануари, 2018
0.4207
    ALK 7650    0.02%     BESK 9991    -3%     GRNT 824.02    0.32%     KMB 3152.12    0.17%     MTUR 4250    1.19%     OHB 5200    4%     OKTA 3111    -8.96%     RMDEN16 94.4    0%     RZUS 113    9.51%     SLAV 6100    95.89%     STB 960    1.65%     STIL 151.56    0.58%     TIKV 153    -2.55%     TKVS 3202    1.72%     TNB 13228.04    0.22%     TTK 951.17    1.04%     UNI 2000    0.03%     ZPKO 2710    4.23%

„Македонија“ почнува да се емитува

Објавено во: Стил 13 Ноември, 2017

ЈАДРАН ФИЛМ  го претстави trailer-от на играната серија МАКЕДОНИЈА. Тоа е специфична љубовна приказна, каде главен актер е американски продуцент кој доаѓа во Македонија за да прави серија за МАКЕДОНИЈА. Тој при тоа се бори со своите дилеми, влијанија и препораки од разни страни како серијата би можела, требала и смее да изгледа … Неколку пати после неколку тешки удари на проектот, скршен за кратко, решава да се откаже, но сепак на крај ја завршува серијата..„

Впечатоците за трејлерот на Македонија, ни ги споделува Стојан Синадинов.

Фактор: Трејлерот за серијата Македонија го поставува прашањето „Што е Македонија“. Која е пораката која со ова прашање се испраќа?

Стојан Синадинов –  „Што е Македонија?“ Бренд на кечап? Име на фудбалски тим? Име на спортска сала? Географска област? Овошна салата што се служи во француските ресторани? Емил Рубен во трејлерот вика дека тоа е љубовна приказна, дека имало две љубови. Можеби пораката е љубовна? Не знам, но знам една лекција од историјата на филмот. Кога го прашале легендарниот американски филмски режисер Џон Форд каква порака сакал да испрати со неговиот филм, тој одговорил дека кога сака да испраќа пораки, повеќе преферира да го праќа по пошта…

Фактор: Ќе успее ли серијата да ја долови вистинската перцепција за Македонија?

Стојан Синадинов – Мислам дека не постои „вистинска перцепција“. Има лична, колективна, доминантна… перцепција. Според трејлерот, единствено што можам да кажам е дека насетувам некоја естетичка димензија слична на „Сенки над Балканот“ на Драган Бјелогрлиќ, која моментално ја гледаме на ТВ, историска драма во постмодерен визуелен клуч? Но, трејлерите можат да ги зголемат очекувањата над можностите на креаторот на серијалот. Трејлерот на сиквелот „Блејд ранер 2049“ на Ридли Скот беше објавен пролетва, беше одличен. Филмот го видовме пред еден месец, беше одличен.

Фактор:  Дали сметате дека ќе и се допадне на публиката?

Стојан Синадинов  – Кога во земјата на продуцентот „Јадран филм“ на серијалот „Македонија“ (Хрватска) пред 15-тина години беше направен последен обид за ревитализација на некогашниот дневен весник „Вјесник“, во неделникот „Глобус“ излезе реклама со следнава содржина: „Направивме хрватски ’Њујорк тајмс‘. Знаеме веќе што ќе речете, но каква Америка е Хрватска, таков ’Њујорк тајмс‘ е и ’Вјесник‘!“. Доволно ќе биде и толку да биде допадлив.

Фактор: Може ли македонската публика денес да следи серија од македонска продукција?

Стојан Синадинов – Секако дека може. Како и што следи. Само, да не рековте „македонска продукција“? Колку што се достапни информациите за продукцијата на „Македонија“, би го парафразирал прашањето од трејлерот – „Што е (ТВ серијалот) ’Македонија‘ како модел на продукција“?

Можеби ќе ве интересира

Интервју Ида Протугер Вељковиќ: Докторот ми рече „нема надеж“, но јас решив да се борам

Интервју Ида Протугер Вељковиќ: Докторот ми рече „нема надеж“, но јас решив да се борам

ЖЕНСКИ МУАБЕТ СО ЕДИНА МУСА, КОШАРКАРКА И ФИТНЕС ШАМПИОН: Сексапилот ми е само плус

ЖЕНСКИ МУАБЕТ СО ЕДИНА МУСА, КОШАРКАРКА И ФИТНЕС ШАМПИОН: Сексапилот ми е само плус

Отворено со Маја Величкова: Најдобро што знам, љубовта да ја растам

Отворено со Маја Величкова: Најдобро што знам, љубовта да ја растам

ОТВОРЕНО СО ПЕЈАЧКАТА РОСАНА САРИЌ-ТОДОРОВСКА: Без Маријана, душата ми е на половина

ОТВОРЕНО СО ПЕЈАЧКАТА РОСАНА САРИЌ-ТОДОРОВСКА: Без Маријана, душата ми е на половина

НАУТРО ЧИСТЕЊЕ, НАВЕЧЕР КУРС: Еве како е во Германија

НАУТРО ЧИСТЕЊЕ, НАВЕЧЕР КУРС: Еве како е во Германија

На македонската јавност ќе и недостигаат моќните дела и уникатниот хумор на Шуки

На македонската јавност ќе и недостигаат моќните дела и уникатниот хумор на Шуки

(ГАЛЕРИЈА) ЕМОТИВЕН ВАСИЛИЧАРСКИ КОНЦЕРТ ВО МОБ: Назад во времето на златните осумдесетти

(ГАЛЕРИЈА) ЕМОТИВЕН ВАСИЛИЧАРСКИ КОНЦЕРТ ВО МОБ: Назад во времето на златните осумдесетти

Има 11 милиони следбеници и открива како и за што ги користи социјалните мрежи

Има 11 милиони следбеници и открива како и за што ги користи социјалните мрежи

ШТО ПОДГОТВУВА Цукерберг: Фејсбук им нанесува сериозен удар на медиумските содржини

ШТО ПОДГОТВУВА Цукерберг: Фејсбук им нанесува сериозен удар на медиумските содржини