МАКЕДОНИЈА СО НАЈМАЛ РАСТ ВО РЕГИОНОТ: Друштво и прави Србија
Објавено во: Економија 16 Ноември, 2017
Според Светска банка, Македонија има најнизок економски раст во регионот.
Проценките за Македонија во 2018 година е дека економскиот раст ќе изнесува 3,2%, додека во 2019 година ќе скокне на 3,9%.
Светска банка ги коригираше проценките за годинава, па се очекува до крајот на декември економскиот раст да изнесува 1,5%, што е понизок од 2016 кога изнесуваше 2,4%. Веднаш по Македонија, на дното на листата е Србија со 2%, што е за 0,8 процентни поени помалку од лани.
Причината за значителното забавување на економскиот раст годинава во Македонија се должи на политичката криза која негативно се одрази врз инвестициите, сметаат од Светската банка.
Ако економскиот раст на Западниот Балкан продолжи со ова темпо, нивото на европските приходи ќе ги достигне за 60 години, но доколку земјите од регионот поработат на структурни реформи и го зголемат растот на 5 до 6 проценти, таквото приближување во приходите е можно да се намали на 20 години, изјавија од Светската банка при презентирањето на 12-тиот извештај за регионов. Според извештајот, шесте земји од Западниот Балкан во наредната година ќе забележат просечен раст од 3,3 проценти.