Макрон се откажува од државните аеродроми за да собере пари за неговата програма
Објавено во: Економија 10 Јуни, 2017
Францускиот претседател Емануел Макрон планира да го започне процесот на приватизација на државните аеродроми, а со средствата од продажба да ја финансира амбициозната економска програма.
Макрон уште пред да победи на изборите на 7 мај рече дека сака со парите од приватизациите, да го финансира владиниот план за промовирање на индустријата и иновациите, кој е во вредност од 10 милијарди евра.
Ако францускиот претседател добие парламентарното мнозинство на изборите закажани за 18 јуни, како што всушност и се очекува, тој може брзо да склучи договор, со кој ќе ги собере потребните средства за Француската нуклеарна компанија “Арева”.
Акциите во ADP, која ги контролира аеродромите “Шарл де Гол” и “Орли”, се рекордно високи. Уделот на владата, кој изнесува околу 50.6% и се оценува на 7 милијарди евра, може да биде продаден за неколку недели или месеци по изборите, тврдат високи извори.