МАНЧЕВСКИ ИНФОРМИРАШЕ: Груевски го советувале дури 86 луѓе
Објавено во: Македонија 28 Јули, 2017
Поранешниот премиер, Никола Груевски го советувале дури 86 луѓе, изјави денеска министерот за информатичко општество и администрација, Дамјан Манчевски, одговарајќи на обвинувањата на опозицијата дека новата Влада реализира многу партиски вработувања.
Манчевски кажа дека за два месеца новата Влада вработила вкупно 96 лица, бројка која се однесува на сите институции. Една третина од нив, односно 32 се советници на министрите.
„На централно ниво од страна на Владата се ангажирани вкупно 26 лица. Во оваа бројка се вклучени советниците на премиерот, кабинетските службеници на министрите без ресор и лицата ангажирани за односи со јавност“ - вели Манчевски.
Премиерот Зоран Заев го советуваат само тројца кабинетски советници.Од ВМРО-ДПМНЕ претходно обвинија дека СДСМ вдомува партиски кадри преку вработувања.
Тврдеа дека власта на Заев работи спротивно од она што јавно го кажува и во интерес на луѓето кои се блиски до СДСМ.