Масовна тепачка во центарот на Прилеп
Објавено во: Македонија 20 Август, 2017
Масовна тепачка помеѓу две поголеми групи се случила ноќеска во 1:30 часот по полноќ во строгиот центар на Прилеп, кај Реклами, објави сајтот Маркукуле.
Поради засега непозната причина, двете групи најпрво се судриле зад бизнис центарот, а потоа тепачката ескалирала на булеварот „Гоце Делчев”, пред очите на стотина очевидци.
Полицијата пристигнала со повеќе возила на лице место, при што според очевидците со удари се здобиле и дел од полицајците кои интервенирале во тепачката.
Откако полицијата привела неколкумина, едно лице започнало да тропа по полициското комбе, барајќи да се ослободи некое од приведените лица. Истото потоа се дало во бегство, а во филмска бркотница подоцна и тој бил приведен.
Засега не се знае зошто дошло до тепачката.
ФОТО: Маркукуле