„Мастеркард“ под истрага во ЕУ
Објавено во: Свет 09 Април, 2013
Поради провизиите кои им ги пресметува на странците кои плаќаат со платежни картички, Европската унија покрена истрага против американскиот гигант од областа на кредитните картички „Мастеркард“.
Од Европската комисија притоа соопштија дека е отворена истрага против „Мастеркард“ поради можното кршење на правилата на конкуренција и меѓубанкарските аранжмани за провизии и други практики, во услови кога европските клиенти и претпријатија извршуваат над 40 отсто од своите годишни трансакции со картички.