МАЖИТЕ ПОБРОЈНИ ОД ЖЕНИТЕ: Масовни оставки на европратеници во ЕП

Добивај вести на Viber

Членови на Европскиот парламент го напуштаат законодавниот орган на ЕУ во просек еден на недела, објави "Политико". 

33 европратеници ги напуштиле позициите од почетокот на 2017 година, а 80 ги напуштиле местата по освојувањето на гласови во 2014 година. За некои од нив станува збор за апетитни потези: Анджеј Дуда од европратеник стана претседател на Полска во рамките на неколку недели во 2015 година. 

За други искуството да се вметнат во националната политика заврши со катастрофа: Улрике Лунацек од потпретседател на Европскиот парламент стана невработен, кога нејзините Зелени во Австрија не успеаја да освојат ниту едно место на октомвриските избори во земјата. Најмногу европратеници загубила Шпанија - оваа земја изгубила 12 лица во ЕП, следена од Велика Британија со 10. Во пропорционален однос Белгија исто така е губитничка: петмина од 21-те белгиски европратеници го напуштиле Парламентот од јули 2014 година.

Исто така има и партиски губитници: Британските конзервативци се од партијата која ги изгуби повеќето пратеници - петмина. Шпанскиот Подемос, британската Лабуристичка партија и полскиот конзервативен "Ред и правда" имаа четири оставки од последните избори за Европскиот парламент.

Статистичките податоци покажуваат дека претставниците на силниот пол се помалку склони кон ЕП - 55 мажи пратеници заминале, во споредба со 25 жени (15 од нив заминале од 1 јануари).