Мицкоски: Не е фер прагот од 1 милион денари за физичките лица за ДДВ

Добивај вести на Viber

Лидерот на опозицијата Христијан Мицкоски во дел од критиките упатени кон власата за економските политики посочи и дека одржувањето на прагот од 1 милион денари годишен приход како задолжителна мерка за регистрација на физичките лица како ДДВ обврзници никогаш не била фер ниту пак сега е фер и ја потсети СДСМ дека го менува ставот по ова прашање. Мицкоски во гостување во вестите на Сител ова го нарече лошо решени и владата не си стои на зборот.

„Да, ова беше регулирано и порано како законско решение, дали беше истото имплементирано или не, тоа е веќе друго прашање, но не беше фер, и тогаш и сега велам дека не е фер, со тоа што тогаш сега владини, а тогаш опозициони јурушници тврдеа дека не е чесно, не е фер и дека и дека тие таквото решение нема да го применуваат кога ќе ја формираат Владата, но сега гледаме спротивно однесување, гледаме дека една од мерките за полнење на буџетот претставува имлементирањето и воведувањето на оваа мерка, што не е добро, бидејќи по тоа го цените карактерот на политичарите, дали имаат стабилен цврст став или немаат“, рече Мицкоски.

По ова, нагласи Мицкоски, „гледате дека имаат променлив став и тоа не е добро ниту за граѓаните, ниту за интересите на државата во целост“.