МИЛИЈАРДСКА ЗДЕЛКА: Ferrero го купува американскиот бизнис на Nestle
Објавено во: Финансии 17 Јануари, 2018
Групата Фереро ќе го преземе американсиот бизнис на Нестле во зделка вредна 2,8 милијарди долари, објави Би-Би-Си.
Швајцарската компанија ги продава своите американски брендови, вклучувајќи го Crunch, Nerds, Runts и Butterfinger, за да се фокусира на други производи.
По договорот, италијанскиот Фереро, кој ги произведува Нутела, Тик Так и Фереро Рошер, ќе стане трет најголем играч во американската слаткарска сцена.
Се очекува дека преговорите меѓу компаниите ќе бидат финализирани во март.
Американскиот пазар за кондиторски производи е најголем во светот со годишен приход од 8 милијарди долари.