Милошоски: СЈО само штанца нарачани обвиненија
Објавено во: Македонија 22 Мај, 2017
Антонио Милошоски од ВМРО-ДПМНЕ реагираше на отворената истрага на СЈО во која се води постапка против раководството на партијата за незаконско финансирање и финансиски злоупотреби. Според пратеникот станува збор за уште една оркестрирана истрага и настап на СЈО според партиските потреби на СЈО.
- Главната задача на СЈО е да штанца нарачани обвиненија против политички неистомисленици од ВМРО-ДПМНЕ за да му помогне на господинот Заев да спроведува нарачани платформи со создавање на коалиција со партии кои ја поддржале платформата од Тирана, рече Милошоски.
Пратеникот исто така тврди дека настапите на СЈО се со цел да се изврши притисок врз судството, но и да се дефокусира јавноста од скандалите на СДСМ и останатите партии кои воопшто не се предмет на никакви истраги.
- Сметаме дека ваквото однесување на СЈО е на штета на интересот на граѓаните на Македонија но во корист на господинот Заев за да се дефокусира јавноста од главниот проблем во оваа држава а тоа е правење коалиција со партија која е поразена на изборите и правење на коалиција на штета на интересите на Република Македонија и наместо да се разговара за таа суштинска тема и плаќањето на многу висока и скапа цена за интересите на Македонија, а со цел Заев од аболициран за криминал да стане претседател на владата на Република Македонија, СЈО ќе нарачува обвиненија и ќе поднесува обвиненија за да го отргнува вниманието на македонската јавност. Тоа ќе биде улогата на СЈО денес и тоа ќе биде улогата на СЈО во следните месец дена, посочи Антонио Милошоски.
Во случајот „Талир“ како што соопшти СЈО постои основано сомнение дека ВМРО-ДПМНЕ незаконски се финансирала, односно од 2009 до 2015 година, екс премиерот прифатил незаконски средства за финансирање на партијата во вредност од 4,9 милиони евра. Парите, наместо да се вратат во буџетот како што налага законот или да ги донираат во хуманитарни цели, биле искористени за незаконско финансирање на партијата.
Можеби ќе ве интересира
ВАНКОВСКА: Ќе се заложам за намалување на воениот буџет
СТО НАЈВЛИЈАТЕЛНИ ЛИЧНОСТИ ВО СВЕТОТ СПОРЕД „ТАЈМ“: На листата се најде Македонката Светлана Мојсов
МИНИСТЕРСТВО ЗА ЗДРАВСТВО ДО СПЕЦИЈАЛИЗАНТИТЕ: Решение ќе има после изборите
КОВАЧЕВСКИ ЗА ИЗЈАВАТА НА ОСМАНИ ЗА ОТВОРЕН БАЛКАН: Политичарите како во избори, даваат изјави што треба, што не треба
Доживотен затвор за убиената жена во Кочани со 40 убоди со нож
ДУИ на симулирана седница ги избра Бујар и Села за претседатели и направи уставни измени
СОНК: Иако е период на избори, најверојатно ќе почне генерален штрајк во установите од културата
ГЕСТ ЗА ПРИМЕР И ПОЧИТ! Која фирма за свои сограѓани од Свети Николе ќе даде над 250.000 евра?
Маричиќ со „дипломатски“ коментари на предлозите на Османи за Сребреница и Отворен Балкан
