Министерката Шекеринска во официјална посета на Албанија
Објавено во: Македонија 25 Јули, 2017
Утре, 26.07.2017 (среда), министерката за одбрана на Република Македонија, Радмила Шекеринска, ќе престојува во еднодневна официјална посета на Република Албанија.
Во рамките на посетата министерката Шекеринска ќе се сретне со албанската министерка за одбрана Мими Кодели, по што македонската делегација чиј дел е и заменик началникот на ГШ на АРМ, генерал – мајор Мухамет Рацај ќе има официјални разговори со делегацијата од албанското министерство за одбрана. Министерката Шекеринска ќе го посети и баталјонот на специјалните сили на албанските вооружени сили во Тирана, каде ќе биде изведена и показна вежба.
Македонија и Албанија во областа на одбраната соработуваат од 1998 година кога беше потпишана и Спогодба за билатерална соработка. Од 2004 година, на годишно ниво се потпишуваат и Планови за билатерална соработка кои вклучуваат поголем број заеднички активности во двете земји.