Министерство за одбрана: Јолевски ги нарача морските плодови
Објавено во: Македонија 17 Септември, 2017
Невкусно е што ВМРО-ДПМНЕ продолжува да ја манипулира јавноста со набавки за кои знае дека ги потпишал нивниот поранешен министер Зоран Јолевски, а ја обвинува актуелната министерка Радмила Шекеринска, реагира Министерството за одбрана.
„Ова го прават во обид да прикријат она што се обелодени - дека нивните функционери во МО ги трошеле службените картички за свои луксузи во огромни износи на штета на војската и државата, дека има дупка од 300.000 евра невратени аванси од соработниците на Јолевски, меѓу кои само еден зел аванс од 5.000 евра непосредно пред промената на власта, да ги прикријат бројните злоупотреби на парите кои можеле да се искористат за подобрување на условите и опременоста на Армијата“, се наведува во реакцијата на МО.
Министерството ги детектирало сите злоупотреби кои се вршеле за време на владеењето на ВМРО-ДПМНЕ, кога Министерството било користено како што велат оттаму, како мини банка за потребите на неколкумина функционери кои тие пари ќе мора да ги вратат.
„Она што ВМРО-ДПМНЕ го нарекува набавка на морски плодови е набавка потпишана во јануари 2017 од Јолевски и во најголем дел опфаќа набавка на риба за потребите на Армијата и дел – набавка на риба и морски плодови за угостителските објекти, на барање на Секторот за услуги, туризам, одржување, возен парк и обезбедување. Станува збор за угостителски објекти од отворен тип, што значи дека набавените риби и морски плодови се наменети за продажба“, се појаснува во реакцијата на министерството.
Можеби ќе ве интересира
ОСМАНИ: Од семејни здравствени причини ќе ги прекинам денешните активности во кампањата
Данела Арсовска: Универзална сала изгоре по еден месец откако е под Министерството за култура
УБАВА, ИНСПИРАТИВНА, ВО ЦРНО - обвинителката Фатиме Фетаи во свој стил го прослави 39 роденден
Среќна сум што НЛБ Банка го препозна потенцијалот на нашиот проект во момент кога тоа ни е можеби најпотребно: Ксенија Николова за „Better Women Better World“
„СЕВЕРНОМАКЕДОНСКАТА ВЛАДА Е ТРГНАТА, ГРЕШКАТА Е ИСПРАВЕНА“ - се огласи МНР по пропустот на Европскиот парламент
„ОСМАНИ Е ЕДНА ОД ГОЛЕМИТЕ ГРЕШКИ НА СДСМ. ДАЛИ Е МЕЃУ ГРЕШКИТЕ ШТО ГИ ПРЕПОЗНАВААТ?“: Најчевска со реакција на изјавата на Османи дека нема да присуствува на средби на Отворен Балкан
Малолетник од Тетово украл автомобил и направил сообраќајка
СПЕЦИЈАЛИЗАНТИТЕ И ДЕНЕС ШТРАЈКУВААТ - се уште нема конкретен одговор од надлежните, предизборниот период главна кочница
