Министрите и синдикатите со разговори за минималната плата од 12.000 денари

Добивај вести на Viber

Денеска министрите за финансии и труд и социјална политика разговараа со повеќе синдикати со цел да се повтрди заложбата за зголемување на минималната плата од 12.000 денари. Свои предлози дадоа и повеќе прогресивни синдикати кои чекаат Дарко Димовски да ја преземе претседателската функција од Живко Митревски во ССМ.

„Ние прогресивните синдикати го поддржавме предлогот за зголемување на минималната плата со тоа што дополнително укажавме дека потребно е да се направи и поместување на платите и на остатаните вработени по вертикала и доколку тоа не се случи ќе предизвика незадоволство кај поголемиот број работници кои земаат повисока плата од минималната, а извршуваат посложени задачи од оние со основно образование. В.Д. Претседателот на ССМ Дарко Димовски го истакна нашиот став дека во овој процес потребно е да се вградат и вратат надоместоците за храна и превоз“ – изјави претседателот на синдикатот на одбраната Ристо Ајтов на денешната средба со Министерот за финансии Драган Тевдовски и Министерката за труд и социјална политика Мила Царовска на која се преговараше за зголемување на минималната плата.

Министерот за финансии нагласи дека ако има потреба од помош во најранливите сектори, парите потребни за зголемување на минималната плата ќе се обезбедат од државната каса, и веќе се  предвидени и со Ребалансот на Буџетот.

„Според нашиот план, минималната плата ќе изнесува 12.000 денари и ќе важи за сите. Целосно сме отворени и сакаме да ги слушнеме синдикатите, не само за висината, туку и за другите отворени прашања поврзани со минималната плата како што е вреднувањето на учинокот, истакна Драган Тевдовски.

Идејата е да се скрати од комодитетот на власта, а поддршка за зголемување на минималната плата даваат и работодавачите и постои простор за зголемување на минималната плата но, ако нема политички притисоци и казни, потенцира Тевдовски.

Министерката за труд и социјална политика Мила Царовска со став дека секогаш ќе ги брани работничките права и работниците кои се најзагрозени и дека само со отворен, директен пристап може да се дојде до квалитетно решение.

„Ќе се трудиме во сите гранки да има еднаква минимална плата и се надеваме дека наскоро тоа ќе стане реалност со оглед дека претходно имаше дискриминирачки одредби за гранките кои се најранливи“, потенцира Царовска.

Вакви консултации се најавени и со стопанските комори и работодавачите, а решенијата ќе бидат претставени и дискутирани и на Економско-социјалниот совет.