Митревски пред смена од ССМ, ја обвини Царовска за упад
Објавено во: Економија 10 Август, 2017
Живко Митревски како нелегитимен претседател на ССМ кој повеќе не е синдикален лидер според синдикалниот регистар може наскоро да биде принуден да ја напушти синдикалната зграда која практично ја окупираше со свое приватно обезбедување и ги протера побунетите синдикати кои побараа негова смена.
Откако министерката за труд и социјална политика го прогласи за ништовно решението на претходниот министер Ибрахими, сега сосема извесно е дека Дарко Димовски кој беше избран за нов претседател на ССМ наскоро ќе може и да стапи на функцијата. Останува уште неговиот избор да биде потврден и од Централниот регистар како легитимен синдикален лидер.
Затоа спорниот претседател на Сојузот на синдикати на Македонија Живко Митревски бара оставка од министерката за труд и социјала Мила Царовска која сега ја обвинува дека вршела упад во работата на синдикатот.
Тој на прес конференцијата не можеше да даде одговор како тоа истиот правен лек во истата правна процедура еднаш употребен од Ибраими е легален, а сега кога Царовска го примени истото поништување е против законите.
Исто така немаше и одговор дали би потпишал декларација за соработка со новата влада како социјален партнер како што тоа го направи со владата на ВМРО-ДПМНЕ.